Skarfurinn

Þar sem Fjármálaeftirlitið (FME) er algjörlega rúið trausti eftir endalaust klúður og sofandahátt þá þarf að setja á stofn óháða rannsóknarnefnd sem rannsaki þátt Birnu Einarsdóttur í kaupum hennar  á bréfum með láni úr eigin banka. Það nær engri átt að FME geti hvítþvegið hana og sagt þetta mistök hennar eigin banka, hún á að axla ábyrgð á sínum gjörðum eins og aðrir Þessu máli er ekki lokið. 

Samkvæmt fréttum í gær þá stangast þær svolítið á finnst mér, fyrst er sagt að lögreglan hafi fengið grænt ljós hjá umhverfisráðherra, en í dag er það borið til baka af fjölmiðlafulltrúa  ráðuneytis og sagt í Fréttablaðinu að lögreglan á staðnum hafi alfarið tekið þessa ákvörðun þ.e.a.s. Stefán Vagn yfirlögregluþjónn á Sauðárkróki, ef þetta er rétt þá er fréttaflutningur gærdagssins alrangur, og mörg ljót skot á Þórunni ráðherra eiga þá ekki rétt á sér, en ummæli hennar eru þó mjög kjánaleg í blaðinu í dag.

Þorri almennings og m.a. héraðsdýralæknirinn á Blönduósi er ósáttur við þessar aðfarir allar og kjánalegt að segja að engin deyfilyf séu til í landinu, það hefði t.d. mátt setja svefnlyf í kjötskrokk og veiða dýrið þannig, ef dýrinu hefði verið bjargað hefði það vakið heimsathygli og hefði verið kærkomið fyrir okkur íslendinga sem erum orðnir nokkuð óvinsælir vegna hvalveiðanna, þarna hefðum við fengið stóran plús í kladdann, en ónausynlegt  drápið kemur í veg fyrir það.

Getur nokkur skýrt út fyrir mér hvað hefur vakað fyrir Birni Bjarnasyni dómsmálaráðherra að vera að birta almenningi einkabréf eða blogg til sín prívat, er hann að óska  eftir samúð almennings þar sem hann á nú undir högg að sækja fyrir óvinsælar ráðagerðir sínar undanfarið eða hvað á maður að halda ? þetta kalla ég dómgreindarleysi B.B.

Vitað er að þingmenn & ráðherrar um allan heim geta vænst þess að fá miður skemmtilegar símhringingar & póst frá allskonar fólki mis-rugluðu og ef þeir sætta sig ekki við slíkt eiga þeir ekki að gegna slíkum áhrifastöðum.